રાજસ્થાન અને હરિયાણામાં કરા પડ્યા:તમિલનાડુમાં વાવાઝોડા-તોફાન યથાવત્

રાજસ્થાનના 7 જિલ્લાઓમાં શનિવારે ભારે વરસાદનું યલો એલર્ટ છે. અલવરમાં તોફાન સાથે વરસાદ અને કરા પણ પડ્યા. બીજી તરફ, હરિયાણાના ચરખી દાદરી અને રેવાડીમાં શુક્રવારે વરસાદ સાથે કરા પડ્યા.

તમિલનાડુ, પુડુચેરી અને કરાઈકલમાં વાવાઝોડા સાથે વરસાદ થઈ રહ્યો છે અને આગળ પણ ભારે વરસાદની આશંકા છે. મદુરાઈમાં સતત થઈ રહેલા ભારે વરસાદને કારણે શહેરના નીચાણવાળા વિસ્તારોમાં પાણી ભરાવા લાગ્યું છે.

બીજી તરફ, બંગાળની ખાડીમાં બની રહેલા સંભવિત ચક્રવાતને કારણે બિહાર અને ઉત્તર પ્રદેશના પૂર્વ ભાગમાં 28 ઓક્ટોબરથી ભારે વરસાદ થઈ શકે છે.